لبناني تماما متل لبنانك

كل يوم تدهشك مواقع اللبنانيين. أنيقة، مفعمة بالحب للبنان، مليئة بالمشاريع الطموحة، توق الى بناء لبنان عصري كبير بانجازاته، وأم مسامحة يتوق اليها ابنائها مهما كبروا وبعدوا. هنا كلمات (مترجمة) لصاحب موقع CafeLiban.net. ولن اعلق اكثر.

"بيعيش لبنان بعقلي وقلبي وروحي. وبيعيش بضحكاتي واحزاني. وبيكبر بعيلتي واصحابي وولاد بلدي وبذكرياتي. لبنان، الهوا يللي بتنشقو كل يوم. هو القمر لبيطلع عمهلو من ورا التلال ليعربش على السما، وبيضوي ع مهلو على البحر المتوسط. هو الشمس الحارقة، الحمرا والبردقانية، وهي عم تنزل برشاقة ورا الافق. هو خط شجر الصنوبر يللي عم يلتف على طول طريق الجبل، وبيت الحجر بضيعة هاديي. لبناني تماما متل لبنانك، وقت يللي بتنام بفيّ بعد الضهر بيوم صيفيي. لبناني هو الغدوات والعشاوات ممدودي على طاولات طويلي، مع اصحابي. هو بالقلب يللي بيدق مع ضربات الدبيكي. هو دخنة الارغيلي انت وعم تشرب القهوة من الركوي الكبيري. لبنان شيخ المسجد وكاهن الكنيسي. لبنان هو آذان الشيخ بالصباحات الباكره بيدعي المؤمنين للصلاة، ودقات جرس الكنيسي تدق بالعالي من راس التلي. لبناني هو الفلاح يللي آخد التور على الارض. هو صفرات المعّاز للقطيع. لبناني هو الشحرور والبلبل، شجرة التين المعطائى والعناقيد يللي بتحلي تمك متل العسل."

ما تفوت هالصفحة عليك

Back to Kadmous