111101

ما بعرف ليش ما لقيت هالموقع من قبل، 111101 اسمو، ومش كل يوم بتفتش عن موقع لبناني اسمو ارقام. بالاول، بس تفوت على الموقع بتعرف على الحارك انو انت موجود بعالم خلاق ما شفتو بمحل تاني. برمجة بلغة الفلاش بتستفيد من كل العناصر، وتصميم رائع فعلا بيجبرك انك ما تخلي ولا لينك الا وبتنقر عليه. وبس تفكر انك شفت شي بعد ما شفتو، بيطلعلك شي تاني.

وطبعا الرسم والدهشي ما بيكفي، فالمحتوى هائل باختياراتو للكتابات، وأصلا شهادتي مجروحة لأنو المواقع يللي بتحكي عن لبنان وانجازاتو، هي مواقع مفضلي عندي ولو كانت من اسوأ التصاميم. ناجي زهار جمع من اجل الذاكرة اللبنانيي أقوى وأجمل الكتابات عن مأساة لبنان يللي أنهاها يوم 14 أذار، ويللي كتبها أهم الكتاب المعاصرين للمراحل السابقة.

من برمجيات الفلاش بنصحك تلعب بالساعة المدهشي، ومن الكتابات ما تفوت قسم الكتب. مصدر الصورة اعلاه ميكساج عملتو من 111101.